Please reload

Recent Posts

Local Disaster Risk Reduction Management Plan Formulation Workshop

March 18, 2019

1/6
Please reload

Featured Posts

SENIOR CITIZEN’S PROGRAMS

February 29, 2020

 

SOCPEN: Iti napalabas nga Setyembre, 2019, nagawat dagiti senior citizen a beneficiary iti SOCPEN iti pension da para iti umuna nga semester(January to June 6months) iti gatad nga Php3,000. 00 ti tunggal myembro. Adda ti 602 a myembro iti umuna a payroll ken nanayunan pay iti 344 iti maikadwa nga payroll. Adda iti 946 ti nagawat ti pension ti umuna a semester. Adda met iti 203 nga maur-uray ti pondo na nga aggapu ijay Region DSWD Office ta haan pay bimaba ti pondo na numanpay naaprobaranen daytoy. Iti SOCPEN beneficiaries ti napalabas ket 801 ngem nanayunan tatta nga tawen iti 579 isunga ti dagup ti amin nga benefeciaries ket 1,380 amin.

 

CASH INCENTIVE TO SENIOR CITIZEN REACHING 90 YEARS OLD AND ABOVE (BIRTHDAY GIFT)

Daytoy a programa ket para kadagiti Senior citizen nga dumanon ti tawen da ti 90 nga agpangato. Adda maawat nga 1, 000. 00 ti agtawen ti 90-94, 2, 000. 00 para ti agtawen iti 95 – 99 ken iti met agtawen ti 100  ket makaawat ti 5, 000. 00 nga aggapo iti munisipyo tayo, 5, 000. 00 ti aggapu ti probinsya ken 100, 000. 00 iti aggapu ti National nga isu tay maawagan a Centenarian. Ti kasapulan nga isubmitar iti senior citizen nga dumanun ti kastoy a tawen ket BIRTH CERTIFICATE/VOTER’S ID WENNO CERTIFICATION/BAPTISMAL, photo copy tay senior ID card, ken Certification ti kapitan nga isu ket addaan tawen a 90 nga agpangato. Dagitoy apo nga requirements ket maipasa ti opisina Municipal Social Welfare and Development ta mailakad.

 

BURIAL ASSISTANCE Daytoy nga programa ket para iti senior citizen a pumanaw ti daytoy a biag. Adda maited nga 2, 000. 00 tulong para ti pinanawan ti senior citizen. Kasapulan apo a maisubmitar ti mswd office ti death certificate tay senior citizen a natay ken tay senior citizen ID Card na.Mainterbyu para iti maisagana a case study report tay asawa ti natay a senior citizen wenno tay annak na wenno kumpormi a kapamilya nga nagbusbus ti gastos idi tyempo ti pannakaimasayag ti natay ta isu ti pakainaganan tay payroll tay burial assistance.

 

BEDRIDDEN ASSISTANCE

Kadagiti senior citizen nga nakaiddan, tay tartarabayen ti asawa wennu annak na ket maikkan  met ti tulong a Bedridden Assistance, daytoy ket aggatad ti 2000. 00. daytoy a programa ket para kadagiti senior citizen nga nakaiddan a haanen a makabangon nga mangasikasu ti bagi na kas koma agdigos ken agluto ti kanen na.Kasapulan a maipasa ti opisina ti mswd office ti Barangay Certificate a nakasaad nga daytoy a senior ket bedridden, Whole body picture tay  bedridden ken tay Xerox iti senior citizen ID Card. Mainterbyu para iti maisagan a case study report tay asawa wenno tay annak da wenno kumpormi a kapamilya nga mangay-aywan kanyada.

 

ABANDONED SENIOR CITIZEN Daytoy a programa ket para kadagiti senior citizen nga agbibiag nga agmaymaysa nga awanen iti maited ti kapamilya da a tulong. Dagitoy ket  maikkan ti Abandoned Assistance, ngem agipasa ti barangay ti whole body picture ti abandonado a senior citizen, photo copy ti senior ID Card na ken sertipikasyon ti kapitan nga daytoy a senior citizen ket agmaymaysan iti biag.

 

SOLO PARENT

Adda met iti prebelihiyo dagiti solo parents kas inladawan ti Republic Act 8972 nga naaramid a linteg idi November 7, 2000 ken naaprobaran idi April 10, 2002. Dagiti benepisyo na ket nalawag a  nailanad iti makuna nga Republic Act. Dagiti maawagan nga solo parent ket dagiti ama/ina nga addaan ti ay aywanan nga annak nga isaksakad na nga maymaysa. Kas koma iti naanakan a balasang, natay ti asawa na, nagkaanak a biktima ti rape, naibalod ti asawa na, adda bagtit  ti asawa na, agasawa a nagsina ti legal a panagsina(de facto separation) ti las-ud iti makatawen, Annulled, abandonment wenno pinanawan ti asawa, wenno ti maysa a nataengan nga naikkan ti aywanan nga ubbing nga uray saan na mismo nga anak ngem isu ti timmakder nga foster parent nga inaprobaran ti korte, wenno ti nataengan a kameng ti pamilya nga natay ti dadakkel ti ubing wenno ti daduma a rason a makagapu nga naibati kanyada ti ubing. Tapnu magun-od dagiti benepisyo, masapol mapan iti MSWD office ta agaply ti solo parent ID Card. ti ID Card ket tinawen nga mairenew.

 

CHILDREN’S MONTH CELEBRATION Naiyaramid iti children’s month celebration idi aldaw ti Nobyembre 26, 2019 sadiay Municipal gymnasium iti alas otso ti bigat. Nangiparang dagiti agduduma nga day care center iti pabuya dagiti ubbing ken adda met dagiti opisyal a nagipaay ti mensahe kasta met tibisita a ni Mr. Carlito T. Iligan a principal ti CNHS.

TOTAL NO. DAGITI MIYEMBRO (2,004).

Aluling– 148, Com. North– 244, Com. South– 188, Concepcion– 180, Din. East-62, Din. West– 76, Libang– 107, Malaya– 165, Pilipil– 60, Remedios– 133, Rosario-266, San Luis– 87, San Juan– 288.

 

Share on Facebook
Share on Twitter
Please reload

News & Updates

Archive
Please reload

Search By Tags
Please reload

Site Map:

Mayor's Office: +63 919 005 0237

BFP: +63 915 934 3419

Police Assistance: +63 918 583 2592

MDRRMC: +63 939 135 2637

Regional Public Safety Battalion: +63 920 627 2284

Email: cervantespadre05@gmail.com

Address: Cervantes, Ilocos Sur, Philippines

Municipality of Cervantes Contacts:

Contact Us

  • Black LinkedIn Icon
  • Black Facebook Icon
  • Black Twitter Icon
  • Black Google+ Icon
  • Black Instagram Icon

Copyright © 2021 | Official website of the Municipality of Cervantes

Proudly created by: Melvin L. Abel | A-Technologies & Design