(Left) Dagiti ma-maestra iti Comillas North Integrated School headed by Mrs Esmeralda S. Gaburno; District Supervisor Marites A. Padiwan with (Right) the Municipal Mayor Pablito Benjamin P. Maggay II; SBM Rose C. Pe; SBM Julieta B. Valdez; Municipal Vice Mayor Armando P. Gaburno
Education for All.” Daytoy ti rason ken gapu iti ayat da nga matulongan amin nga agad-adal iti nalaklaka ken asideg nga sumrekan, in-ganuat dagiti Department of Education, Parent and Teacher’s Association ken Local Government Officials ti Cervantes ti pannakailukat iti maika-7 ken 8 nga tukad iti Comillas North ES nga mamagbalin iti daytoy nga Integrated School.
Ket gapu iti panagtitinnulongda, naaprobaran ti makuna a conbersiyon idi July 22, 2019 babaen iti Division Memorandum # 234, s. 2019 nga pinirmaan ni dati nga Division Superintendent Gemma Q. Tacuycuy.
Ket babaen metlaeng iti suporta ti agdama nga mayor, naikkan ti nasao nga pagadalan ti uppat(4) nga mangisurusro nga susuweldoan ti LGU, babaen ti SEF, malaksid pay kadagiti school supplies. Adda pay nailatang nga pundo para iti pannakaipatakder ti school building.
Manamnama nga iti pannakailukat ti tukad ti secondarya iti nasao nga pagadalan ket agbalin nga rangtay nga mangiturong iti pannakatungpal ti arapaap dagiti agtutubo nga umindeg iti Comillas North ken dagiti kabangibang nga barbarangay.
