- 7 days ago
Sangguniang Panlalawigan Member (SPM) Benjamin N. Maggay nga mangibingbingay iti mensahe na idi madama iti panagrehistro dagiti agdonar. Isuna ket aktibo metlaeng nga agdondonar
Idi 21 iti Nobyembre, 2019, iti munisipyo iti Cervantes ket naabot na iti maysa pursyento nga target manipud iti papyulasyon kadagiti naayat nga nagdonar ti dara. Inaramat iti Gobyerno Local ti Lepanto Hall nga isu ti nakaiganuatan na iti Mobile Blood Donation Program. Nakikadwa met laeng dagiti kameng ti Luis Hora Memorial Regional Hospital babaen ti inda panagkaykaysa nga nag-assess kadagiti agdonar. Iti tema na iti nalpas nga aktibidad ket “Give the Gift of Life, Donate Blood”. Nga iti kayat na saoen ket irwamen dagiti umili iti dayoty nga aktibidad tapnu adda to ladta iti nakasagana nga mausar para kadagiti kakailyan nga agkasapulan.
Kas maysa nga kanayon nga agdondonar, inallukoy ni Bokal Benjamin Maggay dagiti kakailyan nga itultuloy da nga agbalin nga instrumento nga mangsalbar ti biag babaen iti panagdonar da nga kanayon iti dara. Inbinsa-binsa na met dagiti benipisyo iti agdonar ti dara: umana ket iti libre nga check-up para kanyada; maikadwa maamwan da met iti blood type, blood pressure ken hemoglobin level da. Kanayonan na, matulungan da met iti munisipyo tayo nga manggun-od iti arapaap da nga mangipaay ragsak kadagiti kakailyan nga agkasapulan ti dara.
Iti Municipal Health Office ket inpapati da nga nagkampanya para iti panagdonaran ti dara ket maysa kadagiti puntirya da nga allokoyen dagiti estudyante, sangguniang kabataan, opisyales ti barangay, empleyado iti munisipyo, ken amin nga uniformed personnel.
Pablito Benjamin P. Maggay II idi maalaan isuna ti dara. Isuna ken ti pamilyana ket kanayun isu kaunaan nga agdondonar nga isu mangipakita iti napudno nga suporta iti nasao nga programa.
Manipud kadagiti 169 a nagparehistro, 142 iti nakapasa iti initial screening. Ket dagiti dadduma met, saan da nga nakapasa iti screening gapu ta nababa iti hemoglobin level ken nangato iti presyon iti dara da. Mainayon iti daytoy, adda met 53 nga blood units a nakolekta iti inmuna nga mobile blood donation nga naaramid idi Mayo 2019. Adda ngarud 195 blood units nga nakolekta iti sibubukel a tawen 2019.
Iti mobile blood donation program ket isay-sayangkat iti LGU Cervanttes kadwa na iti LUIS Hora memorial regional hospital (LHMRH) iti mamindua iti makatawen. Gapu iti nagtulagan iti LGU Cervantes ken LHMRH ti munisipyo ket addaan ngarud iti municipal blood pool idyay LHMRH nga mabalin nga usaren ti kakailyan ti oras iti pagkasapulan.
Dagiti nagdonar ket naipayan da met iti t-shirt ken certificate of appreciation kas panangbigbig kanyada.
