Please reload

Recent Posts

Local Disaster Risk Reduction Management Plan Formulation Workshop

March 18, 2019

1/6
Please reload

Featured Posts

ANIA ITI REPUBLIC ACT NO. 10054?

 

Napinget nga ipatpatungpal iti kapulisan ti ili nga Cervantes daytoy Special Law nga RA 10054. Ania kadi daytoy nga linteg? Iti Republic Act No. 10054 wennu Motorcycle Helmet Act of 2009 ket isu daytoy iti linteg nga mangobligar kadagiti amin nga agmanmaneho iti single motor karaman dagiti backrider nga agsuot wennu agusar iti standard protective helmet kabayatan iti pinagmaneho da ken mangted iti umno nga dusa wennu multa iti siasino man nga aglabsing.

 

Iti nangnangruna nga ganuat daytoy nga linteg ket isu iti pinang protektar ken pinang saludar iti umili partikular dagiti driver iti single nga motorsiklo ken dagiti pasaheros da manipud iti nakaro nga panaka sugat wennu panakakettel iti biag gapu iti aksidente. Ngarud igunamgunam daytoy nga linteg iti pinag suot wennu panagusar iti standard protective helmet kadagiti driver ken back rider/passenger iti single motor iti ania man nga oras ken kanito kabayatan iti pinagmaneho da, uray nu asideg man wennu adayo iti papanan da nga lugar wenno distinasyon.

 

Ania met ngarud dagiti dusa wenno multa kadagiti aglabsing iti daytoy nga linteg? Umuna iti siasino man nga matiliwan nga driver iti single motor wennu iti backrider/passenger nga awan iti suot na nga helmet ket mamulta iti Php 1, 500.00 para iti first offense; Php 3, 000.00 met para iti second offense; Php 5, 000.00 met para iti Third offense ken Php 10, 000.00 ken panaka confescar iti driver’s license para met iti fourth offense ken sumarsaruno pay nga pinaglabsing.

 

Iti agdama nainget nga ipatpatungpal iti Kapulisan tayo iti daytoy napanday nga Provincial Traffic Ordinance ken Municipal Traffic Ordinance tayo pakairamanan daytoy pinag suotan iti protective helmet. Saan tay koma nga babalawen wennu kagura dagiti kapulisan tayo nga mangiyem-implementar kadagitoy nga linteg ta isu ngarud iti mandato da wennu trabaho da ken maysa pay, para met laeng daytoy iti seguridad tayo;

 

Nu intayo kitaen iti napalpalabas nga al-aldaw, iti kapulisan tayo ket adda iti datos nga 45 violators’ iti Provincial Traffic Ordinance ken 90 violators’ iti Municipal Traffic Ordinance manipud Setyembre-Disyembre iti agdama nga tawen. Kayat na nga sawen nga adu pay laeng dagiti kalugaran tayo wennu dagiti tattao nga umay bumis-bisita iti daytoy napintas nga ili ti Cervantes, Ilocos Sur iti awanan ti umno nga Driver’s License, paso nga rehistro ti lugan ken saan nga pinag suot wennu pinagusar ti protective helmet;

 

Mabalin siguro nga adda dagiti makitkita tayo nga saan nga naka-helmet nga agmanmaneho iti motrsiklo ken kasta met nga saan nga naka helmet iti back rider wennu pasaheros na, Ala ket bay-an tayo isudan saan tayo kuma nga problema-inen ken saan tayo kuma nga tultuladen dagita nga klase iti tao ta saan nga maymaysa iti aldaw, addan to met laeng tiyempo ken gundaway nga matiliw da. Tay kuna kon, saan yo nga tuladen iti madi nga aramid ta nu kas pagarigan adda nakita tayo nga nagtakaw, ania ngarud agtakaw tayo metten ket ammo tayo nga dakes ken bawal? Kasdiay met laeng iti pinag suotan iti helmet, saan tayo nga tultuladen datay tao nga pasaway gayyem;

 

Ken kadagitay met kakabsat ken gagayyem nga natiliwen iti pinaglabsing iti RA 10084 saan tay koma met nga makagura wenno makasuron ta kunada ngarud nga “Trabaho lang walang personalan”. Ken nu adda man iti banag nga kayat tayo nga malawlawagan, saan tay koma basta-basta lattan agipablaak iti social media, silulukat iti kwerpo iti Pulisya iti Cervantes ket dumanon tayo ta intayo tamingen ken pagsasaritaan dayta nga issue wenno problema, sidadaaan dagiti kapulisan tayo nga dumngeg;

 

Dawaten iti kapulisan nga agtulnog tayo koma kadagiti amin nga paglintegan tapno maliklikan iti aberya ken pakakumikoman, ket irugi tayo koma ngarud iti bagbagi tayo kas tay kunada nga “Self Discipline”. Datayo met apo nga nagannak, datayo koma iti umuna nga mangkita iti pagsayaatan dagiti annak tayo, saan tay koma nga itulok nga agmaneho ti lugan no menor de edad da pay ken kasta met nga masapul nga pag suoten tayo ida iti protective helmet para met laeng iti seguridad da. No intulok tayo iti anak tayo nga agmaneho kalaksidan iti kina menor de edad na, adda iti pinaglabsing tayo iti Presidential Decree 1603 wennu Child and Youth Welfare Code ken adda iti Kriminal ken Sibil nga sungsungbatan tay to.

Share on Facebook
Share on Twitter
Please reload

News & Updates

Archive
Please reload

Search By Tags
Please reload

Site Map:

Mayor's Office: +63 919 005 0237

BFP: +63 915 934 3419

Police Assistance: +63 918 583 2592

MDRRMC: +63 939 135 2637

Regional Public Safety Battalion: +63 920 627 2284

Email: cervantespadre05@gmail.com

Address: Cervantes, Ilocos Sur, Philippines

Municipality of Cervantes Contacts:

Contact Us

  • Black LinkedIn Icon
  • Black Facebook Icon
  • Black Twitter Icon
  • Black Google+ Icon
  • Black Instagram Icon

Copyright © 2021 | Official website of the Municipality of Cervantes

Proudly created by: Melvin L. Abel | A-Technologies & Design