(L-R): Officials of Candon City with the 2nd Runner Up: Ms. Mary Joy Calam-ang and Mayor Pablito Benjamin P. Maggay II
Iti kandidata tayo a nangibagi ti ili tayo a Cervantes a ni balasang Mary Joy Calam-ang, Bb. Cervantes 2018 a tubo ti Barangay Comillas North iti nangyalat iti 2nd Runner-up iti salip ti kinapintas ken kinasirib iti “Señorita Feria de Candon 2019” a nagsasalipan dagiti 21 a babbalasang a nangibagi kadagiti munisipyo iti Segundo Distrito iti Ilocos Sur. Naangay daytoy idi rabii iti Sabado, Disiembre 7, 2019 sadiay Civic Center, Candon City, Ilocos Sur. Numan pay saanna a nayawid ti korona ti “Señorita de Feria” dakkel metten daytoy a balligina ken ti ili tayo a Cervantes. Nayawid ti ili a San Esteban iti titulo kas “Señorita De Feria 2019”, first runner up ti Banayoyo, third runner up ti Santa Lucia ken 4th runner up ti Santiago. Inyawid pay ni Mary Joy ti Special Award a kas “Miss Hataw Shopping Mall”, maysa kadagiti sponsors iti nasao nga pasalip.
Iti final question kadagiti 5 finalist nga kunana iti English, If you could be anyone else beside yourself what could you be?” Ket insungbat ni Mary Joy “My Mother” ta segun kanyana isu ti kangrunaan a tao iti biagna ken nangmuli sipud kinaubing na ken nagsakripisyo para ti pannakatubayna agingga iti agdama. Mismo met a ni Mayor Pablito Benjamin P. Maggay II ti nangisaad ti korona na.
Maipalagip nga inyawid tayo ti korona ti “Señorita de Feria” iti namitlo nga agsasaruno a tawen. 2013 babaen ken Miss Jasmin Abraham; 2014 Miss Angelita P. Soliven ken 2015 Miss April P. Soliven. (Otisor Leafar)
