Recent Posts
Featured Posts

CERVANTES MUNICIPAL EMPLOYEES MULTI-PURPOSE COOPERATIVE (CMEMPC) IN ACTION


Dagiti nakaawat ti gift packs ken daduma pay a miyembro iti CMEMPC

Iti Cervantes Municipal Employees Multi-Purpose Cooperative (CMEMPC) ket mangisaysayyangkat iti tinawen nga social obligation. Para iti tawen 2019, ti CMEMPC ket nagsponsor iti panagaramidan ti parol nga sinalian ti eskwelaan ken barangay idi November 29, 2019. Daytoy nga salip ti panagaramidan ti parol ket gandat na nga panangsuporta ti panagaramat iti recycled ken local nga materiales tapnu mapababa iti bilang ti maibelbelleng nga basura. Ti pagannurutan para iti pannakakeddeng iti mangabak ket dagiti sumaganad: 40% para kadagiti recyclable nga materiales; 30% para ti kinapintas; 20% iti panakaidumduma na ken; 10% para ti impact ti mangbuybuya. Dagiti madaydayaw nga ukom dagiti haan nga miyembro ti CMEMPC nga maibilangan da Engr. Larry Quintin Lacaden, Engr. Wilson Salbino, Marlon W. Labador, NUP Crusaldo Coloma ken Jeffrey Valdez ken iti nangbilang ti score, iti treasurer iti CMEMPC Ms. Charita Galimba.

Babaen iti panangkeddeng dagiti ukom, ti barangay San Juan ket nagun-od na iti 1st Prize, naala met ti barangay San Luis iti 2nd Prize ken Barangay Aluling iti 3rd Prize. Para met iti School cate gory, nagun-udan iti Cervantes National High School iti 1st, 2nd, and 3rd Prize. Dagiti saan nga nangabak ket nakaawat da met iti premyo nga lima gasot a pesos tunggal maysa.

Maysa pay nga aktibidad nga insayangkat ti kooperatiba ket iti panangdanun da idyay Barangay Dinwede East tapnu ipaayan da dagiti napili a balay iti regalo iti groceries nga gatad iti lima gasot. Inyawat dagiti myembros ken iti Chairman iti CMEMPC nga ni Engr. Cesar Pe di Desyembre 13, 2019, dagiti met nangawat ket nalaos ti ragsak da. Dagiti benepesyaryo iti nasao nga regalo ket napili babaen ti panagnunumo iti Board of Directors, working Committees ken myembros iti kooperatiba. Idi Desyembre kuwatro, 2019, iti general manager ti cooperatiba nga isu awan sabali ni Mrs. Leomar D. Jado ket ginatang na dagiti naduma-duma nga grocery items ket tinulongan met isuna dagiti miyembro nga nangisupot para iti panakaiwaras na.

Maysa pay nga social activity ti kooperatiba ket isu ti panangipaay da iti educational assistant para iti uppat nga beneficiary nga aggapu iti agsasabali nga miyembro nga aggatad iti 2,500 Php iti tunggal maysa.

Para diyay sumar-saruno nga tawen, iti CMEMPC ket itultuloy na nga mangipaay iti social obligation iti naduma-duma nga wagas kas panangisurot ti panagdakkel ken panagbaknang iti cooperatiba. Iti agdama addaan ti 75 nga miyembro iti kooperatiba.


Archive
Search By Tags
No tags yet.