(R-L) MDRRMO Romeo Acyangan, Mayor Pablito Benjamin P. Maggay II, Vice-Mayor Armando P. Gaburno, SK Officials and PNP Personnel During the Clean-Up Drive along Cervantes-Suyo National Road
Panaka salaknib ken panaka aywan ti aglawlaw ket isu ti maysa a kangronaan nga programa ti gobyerno local babaen ti panangidadaulo ti patpatgen tayo a Mayor Pablito Banjamin P. Maggay II ken dagiti babaen na. Maysa kadagiti programa ket daytoy Clean-Up Drive nga naaramid idi bulan to Hulyo ken Setyembre 2019. Daytoy nga aktibidades ket sinuportaran ti amin nga Barangay ken SK Officials, miyembros iti nadumaduma nga asosasyon ken dagiti naayat nga kakalian nga mangipatapateg ken mangisasakit iti aglawlaw.
Daytoy nga Municipal Clean-Up Drive ket naaramid iti amin nga National Road a masakupan ti ili nga Cervantes nga agturong ti Suyo ken Quirino Ilocos Sur, Tadian Mountain Province ken Mankayan Benguet pakairamanan dagiti waig, karayan ken iti uneg iti Barangay.
Dagitoy nga aktibidades nga araramiden tayo ket maysa a wagas tapno masalakniban ken mapagtalinaed nga nadalus iti aglawlaw. Makiddawen garud iti suporta iti tunggal maysa iti daytoy nga programa tapno maragpat tayo ti kalkalikaguman tayo nga pagbalinan ti patpatgen tayo nga ili. Maipalagip nga ti ili nga Cervantes ket isu ti Summer Capital ti Probinsya nga Ilocos Sur gapu iti kina mayat ti klima ken kina pintas iti aglawlaw. Maawis garud amin nga makipaset iti sumarsaruno pay a Municipal Clean Up drive tapno agtitinulong tayo nga mangaywan iti aglawlaw ken iti sibubukel nga Cervantes.
Barangay Officials of Barangay Rosario, BHW, Tanods and volunteers during the Clean-Up Drive last July 6, 2019
