Bagas ti kangrunaan nga produkto, pagbiagan ken taraon dagiti Pilipino. Iti ngarud panakapanday ti Rice Tariffication Law (RTL) iti nangipaay ti gobyerno kadagiti gundaway a mangpatalged iti kaado ti bagas iti pagilian.
Gapu iti RTL nawayawayaaan iti kaado a mabalin nga angkaten ken mailako a bagas kadagiti daduma nga pagilian a kameng iti World Trade Organization, babaen ti panagpatong iti taripa. Naamendaran iti RTL iti sigod a Agricultural Tarrification ACT of 1996 nga nangilaksid iti bagas kadagiti produkto iti agrikultura a maikan taripa a kas paset iti nagnunumuan iti Pilipinas ken World Trade Organization idi tawen 1995.
Tapnu agtultuloy iti produksyon dagiti mannalon ken makabaelan da iti sumabay uray nawayawayaan iti panag-angkat iti bagas a magapo iti sabali a pagilian, kasapulan nga mapasayaat iti produksyon ken birok da. Mapasamak garud daytoy babaen iti Rice Competitiveness Enhancement Fund (RCEF).
Babaen iti RCEF, adda tinawen a maipaay a Php 10 billion iti las-ud ti inem a tawen manipud tawen 2019. Dagitoy a pondo ket maipaay kadagiti mannalon babaen iti makinarya, nangato kalidad na nga bukel a bonobon, pautang ken daduma pay a serbisyo a pang-agrikultura.
Ken nu kaspangarigan agsobra iti Php 10 billion ti maurnong a taripa, mausar ti sobra na iti sumarsaruno a tawen a pondo para iti pinansyal a tulong kadagiti mannalon , panakpatitulo dagiti daga a pangagrikultura, Expanded Crop insurance Program ken Crop Diversification Program.
Dagitoy nga programa ket mabalin nga magun-od dagiti mannalon nu la ketdi nakaenroll iti Registry System for Basic Sectors in Agriculture.
