Recent Posts
Featured Posts

San Luis: Mt. Tuato Trekking


Ti Bantay Tuato ket maysa a kangatoan a bantay a masarakan ti Barangay San Luis, Cervantes, Ilocos Sur. Daytoy ket nalukatan a kas maysa a Trekking Site idi Nobyembre 1, 2019 babaen iti Launching Program a naaramid sadiay barangay hall, Namecbecan, San Luis, Cervantes. Kalpasan ti programa, naaramid ti Inauguration Climb dagiti grupo ti Trail Explorers Phil ken Nature & Relax indauloan da Jojet de Mesa (Lead Admin), Dexter Bernandez (Team Leader), Rogemar Bravo (Admin), Dennis Frio (Team Support) ken sangapulo ket walo (18) nga Guest Mountaineers nga nagturpos idi Nobyembre 3, 2019.

Kadagiti met Tour Guide weno Porter, kasapulan nga ammo da iti dalan, lugar a papanan ken makasarita iti tagalog ken English kasta met nga nagadal ti Basic Tour Guiding. Agsipud ta medyo nadelikado ti pagnaan, agpatingga laeng ti pito (7) ti kaadwan nga igiya ti maysa a Guide ken tumulong pay nga agsimpa weno agakas kadagiti tent ti turista.

Kadagiti amin nga trekker, guide weno porter, maiparit iti agiwara, agpuor (bonfire) agpukan kadagiti babakirin a kayo, mangdangran kadagiti ayop iti aglawlaw ken agitugot iti paltog. Ket siasinuman nga saan a mangtungpal kadagiti pagalagadan, mamulta sigun ti maiyannatop ti ordinansa.

Dagiti agtarigagay nga umuli sadiay ket kasapulan dagitoy sumaganad a kas nailanad iti Barangay Ordinance:

¨ Adda maipakita nga “Fit to Climb” Medical Certificate

¨ Mangala ti Mayor’s Permit (Php 500.00) ken Secretary’s Fee (Php 30.00) iti kada grupo uppat (4) nga aldaw sakbay nga umuli ti bantay

¨ Agparehistro (log in) sadiay opisina ti polisya (Municipal Police Station) ken San Luis Barangay Hall kasta met nga ag-log out nu malpas.

¨ Agbayad ti registration fee iti Barangay Clearance Php 50.00 ken Barangay Clearance tunggal turista

¨ Agtangdan iti tour Guide/porter nga agapo ti Barangay Php 1,400.00 kada aldaw.


Archive
Search By Tags
No tags yet.