Recent Posts
Featured Posts

NAPUKAW NGA SLING BAG, NAISUBLI


Maysa a gardenero iti nangisubli ti nakita na nga maysa a sling bag. Ti nasao nga bag ket naglaon ti wallet nga addaan iti kwarta nga agarup Php 11, 000, a ribo a pesos, Driver’s License ken naduma-duma a documento. Ti bag ket nabati ni Mr Ryan Amarles a taga San Fernando City, La Union idiay Besssang Pass, Brgy Malaya, Cervantes, Ilocos Sur idi nagpasyar kadwana iti pamilyana. Sigun ken Mr. Amarles gapu ta naragsakan da a nakabuya iti dayta a lugar, inagawaan da met ti nagpa litrato ket indisso na ti bag nga iggem na ket nalipatan na nga inala sakbay da nga pimmanaw.

Ti nasao nga bag ket nakita ti maysa a gardenero nga addaan iti nasaya-at a panagpuspuso a ni Joel Panaden Saldaen, agnaed sadiay Sitio Biwak, Brgy Malaya, Cervantes, Ilocos Sur. Nakita na iti nasao nga bag idi paawid manipud iti town plaza iti ili ti Cervantes, Ilocos Sur. Ti nasao nga bag ket nakaparabaw iti guard wall iti kalsada. Nasdaaw daytoy ta apay nga adda bag sadiay ngem awan met ti tao a makitana ti aglawlaw. Naguray ngarud daytoy, iti sumagmamanu a minuto ngem awan mauray na a mangsubli iti nasao nga bag. Inala na ket ngarud santo nagawid, sa diay balayda kinita na ti linaon iti bag ket nakita na dagiti nagyana ken contact number iti makin kukua. Saan nga nagdua-dua a pinakaamuan na ti makin kukua ken inpakaammu na nga ipan iti Cervantes Police Station tapno awan iti duda ken adda talged da. Napalaos ti yaman ti makin kukua iti bag nga nabati ta naisubli kenkuana ken awan iti naksay wennu napukaw kadagiti linaon na.


Archive
Search By Tags
No tags yet.