Iti munisipyo ti Cervantes ket naideklara a DRUG-FREE municipality idi Oktobre 9, 2019 babaen keni PDEA Regional Director Bryan Babang. Daytoy iti maika katorse (14) nga munisipyo iti entero nga probinsya ti Ilocos Sur a naideklara. Naaramid ti programa idiay municipal gymnasium nga naimatangan dagiti mangidadaulo iti naduma duma nga ahensiya ti gobyerno ken pribado kasta met dagiti opisyales ti Barangay ken asosasyon. Dayoty dakkel nga balligi ti ili ket sinuportaran iti hepe dagiti kameng ti Anti-illegal Drug Abuse Council iti probinsya, kas koma iti Department of Interior and Local Government, Provincial Government, Department of Health ken Philippine National Police. Daytoy a programa ket mangsuporta iti mandato ni Presidente Rodrigo Duterte nga madalusan iti Pilipinas kadagiti Illegal Drugs.
(L-R): Narciso B. Edal, MLGOO; SPM Benjamin N. Maggay; Virgilio P. Sison, CESE; IA III Anable F. Cabarles; DIR Bryan B. Babang; James F. Fadrilan, CESO III; Mayor Pablito Benjamin P. Maggay II; Deputy DIR Ricardo S. Santiago; Vice Mayor Armando P. Gaburno; SBM Zosimo Ningala; Hon. Constante V. Benzon, LIGA President; SBM Roy Dadpaas; SBM Rodolfo Gaburno; SBM Nora Moises; SK Fed Melody Tacio; SBM Edgardo Cortez
Atidog a proseso sakbay nga nagun-odan daytoy, mangrugi pay kadagiti Barangay. Gapu ngarud iti regget ket panagtitinnulong dagiti walo (8) nga naapektaran nga Barangay ket immuna a naikkan ti certipikasyon nga isuda ket DRUG CLEARED barangays. Isu daytoy ti kangrunaan nga addang iti pannakaideklara ti ili a kas Drug Free Municipality. Iti mensahe dagiti Hepe ti Regional ken Provincial government agencies, dakkel nga struggle ti pannakaideklara iti munisipyo a Drug Cleared ngem dakdakkel pay nga karit iti mangmantiner iti daytoy.
Ti sabali pay sagudayen (component) na daytoy ket ti pannakapaadda ti Balay Silangan a lugar tapno maipaay iti naduma duma nga serbisyo kas koma skills training seminar, livelihood ken dadduma pay nga mangtulong kadagiti drug surrenderers tapno saan danto subliyanan daydi naglabas nga nakailaw-anan nga aramid a maikaniwas linteg. Kasta met nga maikaduwa (2) pay laeng ti Ili a Cervantes nga nakapaadda ti kastoy a pasilidad iti entero nga Ilocos Sur.
